NATIVITATIS Domini Missa

NATIVITATIS Domini Missa

in Ecclesia Rom. triplex est, ex privilegio Leonis Papae, quod habetur in can. nocte sancta de consecrat. dist. 1. ubi Glossa: Celebretur una ante diem, que signisicae tempus ante Legem, quando eramus in tenebris. secunda, dum diescit et significat tempus in Lege, quando nondum plena agnitio Dei habebatur. Tertia in die, et significat tempus Gratiae, quando iam plena cognitio habebatur. Unde versus in quodam Missali pervetusto,

Quarum prima tibi tempus, quô Lege carebant,

Altera dat Moysem, designat tertia Christum.

Et quidem in primum harum missarum, recitutur Prophetia, Fopulus gentium, qui ambulabat in tenebris; in secunda, Lux fulgebit hodie; in tertia, Puer natus est etc. Unde iterum versus,

Tres in Natali debent missae celebrari,

Quarum prima sacram signat Christi genituram;

Altera venturi designat gaudin Christi:

Tertia iam factum, quod Lex fore sacra figurat, etc.

Plura hanc in rem congessêre Dominic. et Car. Macri in Hierolexico.